ARWAH MANDOR BUTA

ARWAH MANDOR BUTA

John, Usman deng LaMan batamang bae dar kacil.
Sekali tempo dong tiga pi hutan, karna talalu asek berburu
zg tau bagini langit mendung hujan lebat seketika...

John yang kanal daerah hutan itu langsung lari
Usman deng LaMan iko dar blakang...
Sampe di satu bangunan besar yang su zg terurus.

Malam hitam kelam.. sambil biking api unggun,
terjadilah percakapan :

"Usman, LaMan, ini rumah dolo tampa pekerja tambang
semacam mess bgitu, beta fader carita dolo ada pembunuhan
sadis disini..."

" Ah, John itu carita batul kazeng? "

" Batulee.. jadi dolo tu ada mandor yang kajahatang
talalu sadis deng ana buah, akhirnya ana buah saki hati,
dong tikam, siksa lalu congkel mata mandor, lalu buang
mayat di jurang, dengar carita arwah mandor balas dendam,
laste, para pekerja lari kas tinggal mess, trus tambang
ditutup sampe skarang..."

" Wangalae John.. c bikin bet hati takotang.."
" Beta lai John.. rasa bulu tabadiri...hiyy..."

" Aow tanang sa fren.. kamorang lia saja kuliling
ada yang aneh ka penampakan setang kah...hahaha...!??"

" Beta zg lia..."
" Beta jo zg lia..."
Tiba2 ada kalimat mendesis dari sudut ruangan...
" APALAI BETA...sshh ZG DAPA LIA APA APA...shhh"

John??? Usman??? LAMan????
LARIIIIII!!!!!!!!!!

(arwah mandor buta ikut bersuara...hahaha....)