OMIYAGE DARI NEGERI BATEREK, by Aldrin Anakotta

 

Aldrin Anakotta

OMIYAGE DARI NEGERI BATEREK
(Menjelang Acara Bastori/Batukel CLAM versi Stand Up Comedy)

Mungkin banya yang su tau apa itu OMIYAGE, akang kata ini asalnya dari Negara Jepang yang berarti Oleh-oleh atau Buah Tangan, macang pemberian kecil2an sebagai tanda danke banya, ato sebagai tanda kenang2an..!!!!! Katong dar negeri BATEREK tar bisa kase apa apa par kamong samua.. tapi katong cuma bisa kase carita/renungan sebagai omiyage…sebagai oleh2 dan tanda kenang2an… anggap saja ini semacam ‘UPACARA PEMBUKAAN” menjelang acara batukel/ bastori beso malang…!!!!!
Kamareng ada ana CLAM, dia pung nama JOUNG AMBON… memposting sebuah “tantangan terbuka” buat anana CLAM.. par bakutaru nyali, sapa yang lebih jago, sapa yang lebih bajingan, sapa yang lebih kreatif dan hebat dalam batukel, bastori, Bicara tete deng aer mulu banya… dan “hebatnya” lagi “tantangan” itu pertama2 di tujukan par beta ALDRYN ANAKOTTA RAJA NEGERI BATEREK (Gelar yang diberikan oleh Pattisina Mayos) kemudian buat beberapa staf negeri CLAM urusan Cakadidi/kreatif kaya Eno Felove Haumasse, Opan Manuputty, Ferdy Ferix, deng beberapa yang laeng… !!!
Beta seng tersinggung baca posting ini, cuma senyum2 saja dan sadiki “mengalah”…bukang karna taku deng seng barane tarima tantangan.. tapi beta lia ada “sesuatu” dalang posting JOUNG AMBON…ada “sesuatu” seperti kata SYAHRINI… yang b inginkan, yang beta mau selama ini dari anana muda CLAM, generasi baru Maluku !!!!!..... “SESUATU” itu adalah BARANE !!!! katong orang ambon dikenal sebagai pemberani deng kapala batu !!!! Cuma selama ini barane deng kapala batu itu selalu berhubungan deng fisik !!!! Cuma itu….Ide, inovasi, kreasi, kritikan deng banya lai, katong kurang barane kasi tunju par orang. Labe banya piara akang par diri sandiri…di negeri baterek bilang itu sakakar ilmu, simpang ilmu, par pintar diri sandiri !!!
Beta suka Joung Ambon punk tantangan karna dia barane menantang sapa saja !!!!, anana ambon musti bagitu… barane dalang segala hal, dan kedua… dia barane karena ada “isinya” ada “amunisinya” ada persiapan… jadi seng bicara omong kosong!!! Seng bicara basar !!!! meskipun nanti katong samua lia di acara beso malang… apa sekadar bicara z bisa buktikan atau apa??? Tapi paleng tidak b percaya dia su siap!!!! Beta suka “keinginan” dan “ambisinya” !!!! “ambisi buat kasi kalah sapa saja tentu lewat “ide segar” dan kreatif dalam kemasan batukel !!!! jadi beta bisa bayangkan sebuah pertarungan seru eso malang !!! pertarungan buka gigi secara cerdas dan smart dan sngat berkelas !!!
Beta selalu percaya, kal katong baku taru, manggurebe, bersaing atau berkompetisi “ide” pasti katong tambah pintar!!! Samua orang di berikan otak dengan kapasitas tanpa batas !!! jika itu diolah, digarap dan di buat bersaing, katong seng ketinggalan dari sapa saja !!! batul kaseng Bu Andre Risamassu???? Heheheheheh…. Beta jua secara diam2 sedang “bakutaru” deng samua anana CLAM khususnya Bu Andre Rissamasu !!! sklgus beta jua mengagumi antua, karna katong musti balajar dari orang lain juga !!! Kho Ping Khoo bilang diatas langit ada langit!!!! Katong perlu blajar dari “langit” diatas katong dan “langit” dibawah katong…supaya jadi “sesuatu” tadi…
Akhir kata, buat anana CLAM yang beso mo unju nyali, kasi tunju kalo kamong jua bisa !!! kasi tunju kalo kamong seng kalah dar Joung Ambon yang biking posting !!!!! buat Joung Ambon, buktikan dan bertarunglah !!! buatlah “battle” batukel… jadi masing2 saling baku balas yang ujung2nya par tatawa tp juga membangun dn penuh inspiratif yang bisa di bawa pulang dan di lamong dalang kabong2 pikirang kamong samua!!!!! Yang terakhir par beta punk ade bongso FERDY FERIX… ale dari negeri baterek !!!! kasi kaluar ade !!!! kastunju kal katong pung “KASTA “ itu lahir “MULU” kamuka bukang “KAKI” yang kamuka, kasi tunju kal katong punk DALANG MULU ITU PICA BOTOL deng DURI SAGU!!!!! Katong dari negeri baterek cuma bis mangente dar jauh,, tapi smpe katong turung ale dong siap2 par manangis, tatawa, manangis la tatawa… lama2 la katong lia lai oto rumah saki pulang bale par angka bawa di Nania… hahahahahaheeeeeeeee …….. yuuuuuuuu….

PENUTUP !!!!
SALAMAT BUAT ACARA ESO MALANG, SEMOGA LANCAR DAN MENGHIBUR!!!

Salam dari Negeri Baterek !!!!

Unlike · · Unfollow Post · about an hour ago

• You, Nyonk Ambon Saa, Charlie Valdo Thio and 2 others like this.
  
  ***original created