Halong Tanah Merah, 1987

Halong Tanah Merah, 1987

Minggu pagi langit cerah, awan tipis2 saja
matahari baru unju diri diujung sana
adalah Nyong deng Nona menikmati suasana
kadang dong dua lari2 kecil baku kajar
rupanya dong dua sedang kasmaran...

Nyong deng Nona balenggang senang
Rasa dunia milik dong dua saja...
Karna jalanan masih sepi, oto lewat baru satu dua
Dong lupa diri, Nona bajalang talalu ka tenga
Satu kali ada dua oto  penumpang dar Galala
Laju kencang.... depan gerbang pos A.L
Oto dar blakang tapele muka ... lalu...CiTTciitt
Bumffht BraK...!!!  Nona dapa bla Tampiaz!!
Nyong pucat dudu takisu lia darah su malele
lalu ciong Nona polo Nona zg tau mo biking apa!
Oto su lari tinggal, zg ada tanggung jawab...

Matahari su mulai tinggi, orang banya tinggal manganga
zg ada yang mau tolong, Ngeri, Nona pung kapala tabala!
Tar lama bagini, Ompay anggota Marinir kaluar dari Pos
Antua rembeng kardus kosong bekas supermi
Lalu dengan hati sedih, Ompay kase maso mayat Nona
Baru bawa pigi ka belakang pos, Nyong iko dar blakang
Ompay ambe pacol, baru kubur Nona disitu....
Ompay bilang par Nyong...
"Nero..chk ck ck..sioh kasiang c zg ada tamang lay..."

Nero tinggal kibas ekor, hug hug gukk..ngukngk....

***original created