Misteri Selimut Pink

Misteri Selimut Pink

Malam minggu kemarin, beta pi di rumah sudara
rumah tua besar paskali ada limabelas kamar
padahal yang tinggal cuma ampat orang...

Malam itu sebenar katong ada acara midnight
cuma hujan turun lebat jadi batal acara keluar
karna hujan zg brenti la su tengah malam
akhirnya katong masok kamar sandiri2

Beta dapa kamar paling muka dekat ruang tamu
kamar bagus tapi suasana suram karna lembab
jarang ditempati.... ada satu lemari basar
tampa tidor sprei warna pink bantal kapala deng
bantal polo, selimut  samua warna sama....

Rumah tua ini dolo ada carita angker syeramm
tapi beta bukan orang panaku yang parcaya bodok
deng barang bagitu....hujan masih blom brenti
lampu kamar 10 watt manyala temaram...

tok..tok..tok ada orang toki pintu kamar
ah beta su manganto brat...tok tok tok....
ada apalai ni?! beta buka pintu... AH 'kimai!
zg ada orang! kiri kanan sepi mati!
Udara dingin maso sampe dalam clana...

Beta bale tutu pintu nae tampa tidor
hawa dingin lembab semakin terasa
beta hela selimut putih sampe tutup kapala
polo guling sedap...manggarong sampe pagi...