'PENUNGGU' RUMAH TUA

JABAT TANGAN DENGAN JIN  'PENUNGGU' RUMAH TUA

Di sabla katong tinggal dolo... ada rumah tua kosong

Pernah pemilik rumah su mau renovasi akang...
tapi tukang bangunan lari-- pi  kas tinggal pekerjaan
tagal brapa kali dong dapa lia penampakan  parampuang
kadang tatawa kik kik kik...kadang manangis..Tahela...!

....... malam libur sekolah....
Beny deng Bily, kaka ade...maeng badminton di teras rumah tua
Karna talalu gerat, shuttlecock tasangko diatas genteng....

Beny tanya par Bily : "Ose ka beta, nai?"---
"Beta sa" Bily unju jago.  Lalu pasang tangga...naik...
Tapi zg bisa sampe atas, kaki masih diujung tangga...
karna situasi diatas galap, Bily cuma bisa raba-raba.....
......Tau-Tau....?????

"WHUAAA!!!!! SETTTAANN!!!!"----  SHYUUuuTT....BUFFFH!!!
Bily  su talantang di tana, jatu dari tangga...!!!!!!

"Ose kanapa lai Bily??" --Beny bantu Bily dudu bae bae..

''Tadi, waktu beta raba-raba.. beta dapa loko JARE MAI
PALENG BASAR ANA!! JEMPOL RAKSASA...!!

"Mangkali dia mau cari kenal deng beta, salaman pegang tangang,
mar beta cuma bisa pegang dia pung JEMPOL...
lalu dia goyang2 tangan... trus beta sadar su di tanah...!!!"

Beny penasaran stenga mati...dia pi ambe senter!
Beny langsung nae tangga... muka tegang....
katong  dibawah nonton dengan hati was was...

Zg pake lama, Beny turun dengan 'sesuatu' di tangan sbelah...
Apa yang Beny bawa turun dari sana???

SEBUAH KALENG CAT KOSONG, DENGAN KUAS DIDALAMNYA!
dan TANGKAI KUAS ITU memang mirip JEMPOL alias JARE MAI!!